Archive for the ‘கவிதை’ Category

Uppuma kavithaigal 3

Posted: 30/11/2013 in கவிதை
குறிச்சொற்கள்:, , ,

:p பதறுது அமெரிக்கா ;(

பாவம் ஒபாமா
புலம்புறாரு பைத்தியமா!
பதறுது அமெரிக்கா
பரிதவிக்குது அப்பப்பா!
ஊருக்கு உபதேசம்
ஓய்வில்லாம சொல்றாங்க!
அவங்கவுங்க பிரச்னைய
அம்போன்னு விடுறாங்க!
ஊருக்கு இளைச்சவன
அசலூருல தேடுறாங்க…!

Uppuma kavithaigal 2

Posted: 29/11/2013 in கவிதை
குறிச்சொற்கள்:, ,

இனிக்கிறதோ இன்ப தீபாவளி!

சம்பளம், போனஸ், முன்பணம், இனாம் சகலமும் ஆங்கே வாங்கிய பிறகும் சட்டைப்பையில் காசுகள் தேடும்
சங்கடம் தானோ சாபமாய் கூடும்!

விதம் விதமாய் எதிர்பார்த்து வீணாகித்தான் போன
கனவுலக மாந்தர்க்காய்
கனிந்து வந்த விடுமுறையே!

ஒரு நாள் இருந்து
மறுநாள் வராமல்
சனிக்கிழமையில் நீயும்
சலிப்பின்றி வருவதால் தானோ
என் போன்ற பலருக்கும்
இனிக்கிறது, இந்த தீபாவளி!

Uppuma kavithaigal

Posted: 24/11/2013 in கவிதை
குறிச்சொற்கள்:, ,

உப்புமா (சுய) விமர்சனம்-1

‘முகநூல்’ புண்ணியத்தில்
முழு நேரமாய் கவிதை கிண்டும்
‘உப்புமா’ கவிஞர்கள்
இப்பவே பல கோடி!

தத்தென்றும் பித்தென்றும்
தரிகிடத்தோம் என்றும்
தாம் என்றும் தூம் என்றும்
தர்மத்துக்கு எழுதுகின்றார்!

கத்தையாய் எழுதியெழுதி
காகிதத்தை கறுப்பாக்கி
புத்தகமாய் அச்சிட்டால்
பத்து பைசாவும் தேறாது!

விற்கவும் ஆளில்லை
வாங்கவும் வாய்ப்பில்லை
விளங்கியதால் தான் இந்த
விபரீத முடிவெல்லாம்!